Actualités

Lapan�ny tan�na Tsy ho azo andalovana intsony

Actualités
Alatsinainy 11 Oktobra 2010

Nanomboka ny 2 oktobra lasa teo dia tsy azon’ny fiara na mpandeha an-tongotra andalovana intsony ny eo anoloan’ny Lapan’ny tanàna Analakely, izay amboarina amin’izao fotoana satria nofefena avokoa ny lalana mandalo eo. Miteraka fitohanan’ny fiara tsy misy toa izany mihitsy anefa io fanapenan-dalana io. Hatramin’izao dia tsy misy mihitsy fanazavana avy amin’ny Kaominina momba ny faharetan’ny asa. Ny fanamboarana ireo zaridaina ivelan’ny fefin’ny Lapan’ny tanàna moa no ambaran’ireo mpiasa fa mahatonga ilay famefena ny lalana, saingy rehefa tazanina avy eny ambonin’ireo hotely manodidina dia hita fa misy fotodrafitrasa hafa koa atsangana ao an-toerana. Anisan’izany ny toeram-piantsonana midadasika.

Raha ny fahitana ny fizotry ny asa dia eo ambonin’ireo arabe mihitsy no asiana ilay toeram-piantsoanana. Efa manomboka mametraka ireo vato atambatambatra eo amboniny rahateo ireo mpiasa. Araka izany dia ho tapaka tanteraka ka tsy ho azo handalovana intsony eo anoloan’ny Lapan’ny tanàna raha izao no fandehany. Tsiahivina fa niteraka resabe avy amin’ny sokajin’olona maro, eny fa na dia ireo mpivarotra izay tokony ho mpahazo tombontsoa aza ny tetikasan’ny Kaominina hamerina ny tsenan’Anjoma mbola eo amin’ny kianjan’ny 13 mey ihany.