Actualités

Lany gazoala ny Jirama Adiny 10 isan�andro no misy jiro ao Toliara

Actualités
Zoma 20 Martsa 2015

Vokatry ny fitantanana gaboraraka, fitiavam-bola noho ny kolikoly sy fanamparam-pahefana nisy teo aloha, volabe 2 miliara sy 400 tapitrisa ariary no trosan�ny Jirama Toliara vidin-jiro tsy naloan�ireo mpanjifa tsotra (cat�gorie 10), nefa tsy tapaka ny jiron�izy ireo.

Mbola misy vary mangatsiaka tokony hiditra ao anaty kitapom-bola ihany koa ny amin’ireo orinasa (catégorie 30), hoy loharanom-baovao. Miezaka ny mpitantana vaovao ankehitriny hitaky izany.

Nanomboka afak’omaly alina, niverina indray ny delestazy ao Toliara, ary ora 10 isan’andro no misy jiro, satria lany ny tahirin-tsoliky ny Jirama, ary tsy mbola misy famantsiana hatramin’izao, raha tokony ho ny alarobia teo izany, hanodinana ireo «Centrale thermique» telo. Gazoala 31 571 L sisa no tsinjaraina mandritra ny roa andro (alakamisy sy zoma), raha 25 500 L isan’andro no filana, ary angovo 6,6 Mégawatts isan’andro no filan’i Toliara. Vokatr’izany, tsy maintsy niroso amin’ny fanapatapahan-jiro, hoy Razafindrahibe Paul, tale iraisam-paritry ny Jirama Toliara vaovao (vao iray volana). Raha tsy misy vahaolana avy amin’ny fanjakana anio, dia hiaina ao anaty haizin-kitroka ny tanànan’i Toliara, ny sabotsy izao. Ahiana indray ny hamparisarisa ny lafiny tsy fandriampahalemana amin’izao ankatoky ny fetin’ny paska izao.

Eric R.