Actualités

Lamasinina zotra Moramanga-Ambato Lasa familafilana vahoaka

Actualités
Talata 25 Septambra 2012

Eo amin�ny fotoana tena ilana ny fiarandalamby no re fa miato indray ny zotra mampitohy an�Ambatondrazaka amin�i Moramanga na MLA.

Mahatsiaro tena ho sahirana ny mponina any Alaotra amin’io fanapahan-kevitra noraisin’ny orinasa Madarail io. Tsy vao androany no nisy fanapahan-kevitra tahaka izao fa efa matetika ka zary tofoka ny vahoaka ankehitriny. Tsy misy ny fanajana ireo vahoaka izay efa zatra mampiasa io zotran-dalamby mampitohy an’Ambatondrazaka-Moramanga io fa izay tian’ny Madarail atao dia heveriny ho mety avokoa.

Raha ny re siosio mantsy dia namonjena ny zotra FCE Fianarantsoa-Manakara ilay lohamasinina miasa any amin’ny zotra MLA Moramanga-Lac Alaotra. Nanala fahasahiranana ny vahoaka tany Alaotra ny fisian’ny zotran-dalamby na dia in-droa isan-kerinandro ihany aza izany. Lasibatra amin’izao tsy fisian’ny fiaran-dalamby izao indray ny tantsaha izay efa zatra namoaka ny vokany isaky ny herinandro. Mora ampiasaina ho an’ny tantsaha mantsy ny fiaran-dalamby noho ny kamiao. Sady kivy izy ireo ankehitriny no tezitra kanefa afaka ny ho aiza moa. Miandry ny fandraisana andraikitry ny mpitondra fanjakana manoloana izao toe-javatra izao ny mponina any Alaotra. Vahoaka izay mahatsiaro voafilafila hatrany.

Niry A.