Actualités

Partagé sur :
• facebook

Hihazo an’i Montréal Canada anio, ny Ben’ny tanànan’Antananarivo Renivohitra Lalao Ravalomanana, hamonjy ny kongresin’ny Ben’ny tanàna mivondrona eo anivon’ny fikambanana iraisam-pirenenan’ireo Ben’ny tanàna amin’ny firenena miteny frantsay, izay hotanterahina ny 19-22 jona ho avy izao. Ho eto an-toerana ve ny Ben’ny tanàna amin’ny 26 jona hankalaza ny faha 57 taonan’ny fahaleovantenam- pirenena ?

Totoafo ny fiatrehana fivoriana, fampitomboana traikefa ha mpandrosoana ny tanàna, atrehin’ny Ben’ny tanànan’Antananarivo Renivohitra Lalao Ravalomanana. Vao omaly 16 jona tolakandro izao,  izy no tafaverina an-tanindrazana rehefa avy niatrika ny fivoriam-be tatsy Pretoria Afrika Atsimo izay niarahana tamin’ireo Ben’ny  tanànan’ny renivohitry ny firenena Afrikanina, izay niisa 28 no  nandray anjara tamin’ity. Niompana tamin’ny hoe : «Inona no  fampandrosoana maharitra atao eto an-drenivohitra» ny vontoatin’ny fivoriana. Nisy tetikasa 12 no  nodinihina  tao amin’ny fivoriana, hoy ny Ben’ny tanàna Lalao Ravalomanana,  ary anisan’ny nandraisany anjara ny resaka fambolena an-drenivohitra. Noresahan’ny Ben’ny tanàna ihany koa ny mikasika ny  fitaterana, ny fahasalamana sy ireo rehetra misy eny amin’ny  tanàn-dehibe. Hitohy any Montréal any Canada ny fivoriana. Azo antenaina, hoy ny Ben’ny tanàna Lalao Ravalomanana ny fiaraha-miasa amin’ny rehetra, indrindra amin’ny Afrika Atsimo, ka ny  Ben’ny tanànan’i Tshwane, Atoa Solly Tshepiso Msimanga, dia  vonona hifandray amintsika ary hifampizara ireo traikefa ananany izay hita fa mahomby. 

Jean D.

Tia Tanindrazana

Samia mijoro ho an'i Gasikara.