Actualités

Lalana Avarabohitra Itaosy Ahiana ho tapaka indray

Actualités
Alatsinainy 27 Febroary 2017

Ahiana ho tapaka indray ny lalana eny Avarabohitra Itaosy ao anatin�ny kaominina Itaosy. Hatramin�ny nirotsahan�ny ranon�orana no tena nahitana taratra izany.

Manangon-drano tanteraka ny arabe. Miavosa ihany koa ny fotaka hany ka mila tsy ho afaka handeha intsony ireo fiara fitateram-bahoaka sy fiara vaventy mpitatitra entana. Raha araka ny fanadihadiana natao anefa dia tsy anjaran’ny kaominina Itaosy intsony ny manamboatra ity làlana ity, antony tsy nikitihan’izy ireo izany intsony hatramin’ny taon-dasa. Efa lasa Route d’Interêt provincial ( RIP ) mantsy ity làlana ity raha araka ny fantatra hatrany ka ny fanjakana no tokony handray andraikitra amin’ny fanamboarana izany na dia samy mahazo tombontsoa avokoa aza ireo kaominina manodidina. Ireo mponina ao anatin’ny Fokontany sisa vokatr’izany no hany mikarakara ny lalana sy manao izay tsy hahatapaka azy. Ahiana ho tafiditra hatrany an-trano mantsy ny fotaka sy ny rano ho an’ireo trano amoron-dalana ka tsy maintsy raisina ny andraikitra. Tsiahivina moa fa fiara madinika vitsy sisa no afaka mampiasa ity lalana eny Avarabohitra Itaosy ity noho izany fahasimbany izay hatrany.

Pati