Actualités

Lalam-pirenena faha-44 Nifarimbonan'ny fanjakana sy ny tsy miankina kojakojaina

Actualités
Alatsinainy 11 Mey 2015

Mitentim-bidy 200 tapitrisa Ariary ny asa tanterahana ao amin�ny lalam-pirenena faha-44, manomboka ao Vohidiala hatrany Andranokobaka. Tafiditra ao anatin�izany ireo toerana tena nampitaraina ny mpitatitra nandritra ny vanim-potoanan�ny fahavaratra.

Ny orinasa EGECA no hamita ny asa ao anatin’ny iray volana. Ho fiandrasana ny fanaovana tara ny lalam-pirenena faha-44 dia natao aloha io lalan-tany io. Mifanome tanana amin’ny fanatanterahana izany asa fikojakojana izany ny zanaky ny Faritra sy ireo rehetra mahatsapa fa ilaina ny fanatsarana ny RN44. Natomboka tamin’ny herinandro teo ny asa ka ny lehiben'ny faritra Ranaivonirina Jean Yves mihitsy no nijery ny fizotran’ny asa. Nanambara ny orinasa izay manatanteraka ny asa fa raha voahaja tsara ny lanja mandeha amin’izany lalana izany dia hateza sy haharitra ilay lalana aorian’ny fahavitany. Fanirian'ny rehetra ny hamitana ho tara na godorao io lalam-pirenena faha-44 io aorian’ity asa fikojakojana izay atao ankehitriny ity.

Niry A.