Actualités

Kolonely Coutiti Rapa tanteraka any Tsiafahy

Actualités
Alatsinainy 22 Novambra 2010

Iray amin’ireo manamboninahitra mpikambana tao amin’ny Komity Miaramila ho Fanavotam-pirenena ny Kolonely Coutiti Assolant. Voasambotra nitolo-batana ( ?) izy tamin’iny raharaha BANI Ivato iny ary nalefa avy hatrany any Tsiafahy, tsy nandalo fanadihadiana. Hatry ny omaly dia velon-taraina ireo namany sy ny olona akaiky azy rehetra amin’ny vono natao ity kolonely nanana ny lazany tamin’ny 2001 ity. Araka ny fitantaran’ireo akaiky azy dia maty daroka ny Kolonely Coutiti hatreny Ivato, ka hatrany Tsiafahy. Teo Ankadilalana no nisy nahita maso, araka ny nambaran-dRtoa Baovola Ramahazomanana, adzida iray nidaroka vodibasy tsy nisy antra ny ila havia ka nahavoa ny valanoranon’ity kolonely ity. Voalazan’ireto olona akaiky ity farany hatrany fa dia voa mafy tokoa ity Kolonely ity. Tsy izy irery ihany no tratr’io fampijaliana io, hoy ihany ny havan’ireo manamboninahitra ireto, fa ireo rehetra nadoboka avy hatrany eny Tsiafahy. Araka ny fantatra dia nanatitra sakafo sy fitafiana tany Tsiafahy ny havan’ireo manamboninahitra kolonely sy jeneraly any, saingy tsy nahazo nifanatri-tava tamin’izy ireo. Ny akanjo nisoloan’izy ireo no voalaza fa nisy ra.