Actualités

Kaominin’i Mahitsy Misy tsy mirindra ny fandaminan’asa

Actualités
Alarobia 17 Janoary 2018

Hitarainan’ny vahoaka eny amin’ny kaominin’i Mahitsy an-tampon-tanàna ny fandaminan’asa tsy mirindra eo anivon’ity tanàna ity.

Nandrasan’ireo mpitatitra elaela ihany ny hanamboarana ny lavaka nigodana hita teo anoloan’ny vavahady miditra ao anaty kianja filalaovam-baolina izay ataon-dry zareo fiantsonana rehefa andro sabotsy andro tsena nefa tsy hita izay fanatanterahana azy. Voatery ireo mpitatitra no nanao tsipaipaika nanakarama olona nanototra an’io lavaka nanimba fiara io ankoatra ny “droit de stationnement” efa haloan’izy ireo tsy tapaka ao amin’ny kaominina.

Hitarainan’ny vahoakan’i Mahitsy koa ny afitsoky ny mpitondra ny tracteur, iray amin’ireo manangona fako, apetraky ny mponina eny an-tsisin-dalana araka ny nifanarahany tamin’ny kaominina nefa dia mbola angalany vola indray ireo mponina ka mahatonga ny maro hieritreritra fa ndrao dia misy kopaka hisasahana eo amin’ity mpamily ity sy ry zareo ao amin’ny kaominin’i Mahitsy ?

Ntsoavina Evariste