Actualités

Kaominina Manerinerina Mangataka hatao distrika

Actualités
Alarobia 08 Septambra 2010

Hetahetan’ny mponina ao Manerinerina, Distrikan’Ambatoboeny ny hanana distrika iray mahaleotena. Sahirana tokoa mantsy ny mponina rehefa hikarakara antontan-taratasy noho ny halaviran-toerana. 10 km be izao mantsy ny elanelan’ny kaominina Manerinerina sy ny renivohitry ny distrika. Raha nanao fitsidihana tany an-toerana ny lehiben’ny faritra Betsiboka dia nanambara fa lafin-javatra maro no jerena vao afaka mandinika ny fangatahana ny fanjakana foibe. Hentitra koa ny tenany momba ny fandriampahalemana satria tsy hisangisangy intsony ny mpitandro filaminana manoloana ny asa ratsin’ireo malaso. Hanomboka tsy ho ela rahateo ny “opération coup de poing” raha ny fanazavany ihany. Momba ny fampandrosoana amin’ny ankapobeny dia hanara-maso ireo kaominina rehetra nahazo famatsiambola avy amin’ny FDL eo ambany fiadidiany ny faritra amin’ity herinandro ity ankoatra ny fizarana «titra» 1000 eo ho eo amin’ny sehatry ny fananantany.

Yves