Actualités

Kaominina Antananarivo Renivohitra Tohivakana ny fanesorana tompon�andraikitra

Actualités
Talata 11 Mey 2010

Tale sy lehibena sampandraharaha maromaro eo anivon’ny Koaminina Antananarivo renivohitra no tratry ny rivomahery. Nanao tohivakana tato ho ato ny fanesorana tompon’andraikitra tamin’ny toerany. Ny sasany nailika, ny hafa indray dia famindran-toerana ihany, voakasik’izany fanadiovana izany ny any amin’ny tsena mandalo any amin’ny fitaterana. Ary tsy hijanona izany araka ny loharanom-baovao fa mety hipaka hatrany amin’ny tompon’andraikitra misahana ny raharaha toekarena sy ny teknika koa. Samy manana ny filazany ny mpiasan’ny Kaominina nanontaniana ny anton’izao fanadiovana izao. Ao ireo milaza fa antony politika, ny hafa indray mandroso ny antony tsy fahombiazana tamin’ny andraikitra nampisahanina azy nefa mila vokatra ny mpitantana ny Kaominina. Ny nesorina nesorina, fa tsy vitsy amin’ireo tokony hotendrena koa no nitsoaka andaharana tamin’ny ora farany.

Jean D.