Actualités

Partagé sur :
• facebook

Ny faramparan’ny herinandro lasa teo no tontosa, teny amin’ny biraon’ny Kaominina Ambohijanaka, ny fanaovan-tsonia teo amin’ny Fikambanana Fraternité-Amafisoa sy ny Kaominina Ambohijanaka, izay notarihan’ny ben’ny tanàna Ratsimbazafy Alain.

 Ho amin’ny fananganana sekoly ambaratonga voalohany, ao amin’ny fokontany Tsilazaina. Mitentina 53 000 Euros ny asa fanorenana. Hisy rihana iray ary ahitana efitrano miisa 6 izay hisy famakiam-boky, efitrano ho an’ireo mpampianatra, toeram-pivoahana ary rano fisotro madio amin’ny alalan’ny fametrahana paompy ity sekoly vaovao ao Tsilazaina ity. Ny Kaominina no hiantoka ny toerana hananganana ny sekoly ary ny iray isan-jaton’ny tetibola ampiasaina amin’izany. Sambany no hanana sekoly ambaratonga voalohany ny fokontany ao Tsilazaina iray amin’ireo fokontany miisa 12 mandrafitra ny Kaominina Ambohijanaka. Tsy nijanona ho fampanantenana sy kobaka am-bava fotsiny, araka izany, ireo toky nomen’ny Ben’ny tanànan’Ambohijanaka ho amin’ny fampandrosoana ny tanàna, nandritra ny fampilezan-kevitra tamin’ny fifidianana farany teo, fa narahina asa fanatanterahana avy hatrany na dia vao fotoana fohy aza no nitantanany indray ny Kaominina Ambohijanaka. Santatr’ireo asa fampandrosoana maro mbola hotanterahana, hoy izy ity fanaovan-tsonia ity fa hisandrahaka amin’ny sehatry ny fanamboarana tohadrano, fanamafisana ny fandriampahalemana … ny sehatrasa manaraka.

Rabri

Tia Tanindrazana

Samia mijoro ho an'i Gasikara.