Actualités

Kaominina Ambohijanaka Nanampy ireo ray aman-drenin�ny mpianatra

Actualités
Alakamisy 01 Jona 2017

Mitohy hatrany ny asa sosialy tanterahin�ny kaominina ambanivohitra Ambohijanaka amin�izao fotoana izao.

Taorian’ny fanamboarana ny làlana sy ny tsena dia niroso tamin’ny fanampiana ireo ray aman-drenin’ny mpianatra ao amin’ny kaominina ambanivohitra Mandalotsimaka indray ny tenany. Amin’ny ankapobeny mantsy dia tsy afaka mampiana-janaka araka ny tokony ho izy intsony ireo Ray aman-dReny miaina eny ambanivohitra noho ny tsy fahampian’ny ho enti-manana. Ny fikambanana WTDM avy any Angletera no nanolo-tanana ny kaominina tamin’izany. Zezika, masomboly, siny, angady ary ranom-panafody famonoana bibikely no natolotra azy ireo tamin’izany ka ray aman-dreny miisa 100 no nahazo tombontsoa. Tanjona raha araka ny fanazavan’ny Ben’ny tanàna Alain Ratsimbazafy ny mba hahafahana manohana ara-pitaovana ireo ray aman-dreny ireo entina hanatsarana ny asa fambolena sy fiompiana sahaniny, ho fitsinjovana ireo kilonga madinika. Mbola hitohy any amin’ny fokontany hafa ny hetsika.

Pati