Actualités

Jeneraly FAT Ny kintana 2 no mibaiko kintana 4

Actualités
Alakamisy 28 Oktobra 2010

«Manahirana anay mihitsy ny mijery ilay polisy milanja galona jeneraly amin’ny Emmo-Reg nefa kolonely no mibaiko azy. Tsy vitan’izay fa tena nosimban’izao fitondrana izao mihitsy ny hasina maha miaramila anay. Ny praiministra milanja kintana roa. Ny ministry ny Foloalindahy kintana telo ary ny minisitry ny Raharaham-bahiny milanja kintana efatra. Tsy vitan’izay fa rehefa misy ny lanonana iarahan’izy ireo dia samy manao fanamiana avokoa. Dia ilay kintana 4 no mitoraka «salut» ilay kintana roa. Mahonena mihitsy», hoy ny manambonihaitra iray.

Tsy vitan’izany ihany fa na famindram-pahefana amin’ireo toby fibaikona ny miaramila eto Madagasikara aza dia tonga manatrika izany foana ny jeneraly Vital. Mahonena satria ny ministry ny Foloalindahy milanja kintana telo tsy lavitra azy eo samy manao fanamiana miaramila. Ilay kintana roa indray, araka ny harofenitra, no miteny farany rehefa mandray fitenenana. Nanakianana ny fitondrana Ravalomanana mafy ny toy izany ary nitarika ny fanonganana azy mihitsy, nefa hay mety izany ankehitriny matoa tohizana, fa halako bika tsy tiako tarehy avokoa ny ankoatra izay.