Actualités

JCI ILON�IARIVO Dylan Ramanoara no filoha vaovao

Actualités
Talata 31 Janoary 2017

Nahazo filoha vaovao ny fikambanana JCI Ilon�Iarivo. Ramatoakely Dylan Ramanoara indray, tanora vao herotrerony, no voafidy hitantana ny fikambanana taorian-dRamatoakely Gaelle Pless, filoha teo aloha.

Ny faran’ny herinandro teo no nanaovana famindram-pahefana tetsy Antaninarenina, natrehin’ireo mpikambana maro fotoana izay nanaovan’izy ireo fihaonambe ihany koa. Anisan’ny asa imasoan’ny filoha vaovao manomboka amin’ity taona 2017 ity ny fanatsarana ny fifandraisana eo anivon’ny sehatra tsy miankina sy ny fanjakana mba hahafahana manitatra sy manatsara hatrany ny asa. Eo ihany koa ny fanatsarana ny fiofanana omena ny mpampianatra eny anivon’ny sekoly. Tsy latsa-danja amin’izany ny fiantsoana ny tanora rehetra mba hiditra ho mpikambana eo anivon’ny JCI. Hanomboka hiditra amin’ny fampiofanana ireo mpikambana ihany koa mantsy ny JCI Ilon’Iarivo. Anisan’ny tanjony ny hahamatihanina ny tsirairay eo amin’ny resaka fomba fiasa. Ho an’ny filoha teo aloha Gaelle Pless kosa dia nahafa-po ny mpikambana rehetra ny fomba fitantanany, indrindra ny namoaboasany ireo asa vitany toy ny fanampiana ny sekoly tsy miankina Victoire narahin’ny fanazavana mikasika ny vola nivoaka sy niditra rehetra izay tamin’ny antsipiriany tokoa.

Pati