Actualités

Imerintsiatosika Miroso ny fanamboarana ilay tohatohabato goavambe

Actualités
Alarobia 28 Jona 2017

Miroso amin’ny asa fampandrosoana hatrany ny tanànan’Imerintsiatosika amin’izao fotoana. Ny 10 %-n’ilay asa fanamboarana ny tohatohabato goavambe ao amin’ny fokontany Laborosy tsenakely mampitohy ireo fokontany 14

ao an-toerana mantsy no efa vita ankehitriny, asa izay tsy nanakaramana olon-kafa fa niainga avy tamin’ny fahaiza-manaon’ireo vatan-dehilahy ao an-tanàna sy ireo akora ananan’ny kaominina. Tanjona amin’ny fanamboarana ny fotodrafitrasa ny hanalana fahasahiranana ny mponina mandritra ny fotoam-pahavaratra, indrindra ireo mody lavitra. Tsiahivina fa ny faran’ny herinandro teo no notokanana tamim-pomba ofisialy ny lapan’ny tanànan’Imerintsiatosika izay vokatry ny herim-pon’ny mponina avokoa ny 95 % nahafahana nanatontosa azy. Ny CCPREAS tamin’ny alalan’ny minisiteran’ny vola kosa no namatsy vola ny varavarana, asa farany sisa tsy vitan’ny kaominina. Na izany aza, tsy mbola manana entana hapetraka ao amin’ity lapan’ny tanàna vaovao ity ny kaominina Imerintsiatosika fa mbola vao mitady, hoy ny Ben’ny tanàna Andriambololona Parisoa.

Pati