Actualités

Hopitaly HJRA Ampefiloha Niova ho CHUJRA ny anarany

Actualités
Alarobia 27 Mey 2015

Niova ho CHUJRA na Centre hospitalier universitaire Joseph Ravoahangy Andrianavalona ny anaran�ny hopitaly HJRA etsy Ampefiloha.

Omaly no nahafantarana izany nandritra ny tatitra nataon-dRandrianandraina Nirina, tompon’andraikitry ny serasera momba ny fandraisana an-tanana ireo olona tra-doza sy namono tena nandalo tao amin’ity hopitaly ity ny alahady sy ny alatsinain’ny pentekosta lasa teo. Fantatra nandritra izany fa nihena ireo olona lasibatra raha oharina tamin’ny taon-dasa na ho an’ny sampana fameloman’aina izany na ho an’ny vonjy taitra. Ho an’ity farany manokana, ohatra, dia nahatratra 238 ireo olona naratra noraisina an-tanana nanomboka ny alahady teo ka ny 76 tamin’ireo no voatery notazonina. 86 isa tamin’ireo dia vokatry ny lozam-pifamoivoizana avokoa raha 2 hafa namoy ny ainy izay efa maty teny an-dalana. Tao amin’ny sampana fameloman’aina kosa indray dia nahatratra 18 ireo noraisina an-tanana ka ny fito tamin’ireo dia tsy nahatsiaro tena vokatry ny fisotroan-toaka avokoa raha fikasana ny hamono tena kosa ny efatra ambiny. Na izany aza anefa dia ny dimy tamin’ireo ihany sisa no notazonina.

Pati