Actualités

Hiran�i Dada Lasa fanaovana fety !

Actualités
Talata 09 Oktobra 2012

Fanindroany izay tamin�iny faran�ny herinandro iny no nahenoana teny an-dalambe ilay hiran�i Dada izay hirain�i Bodo iny.

Ny voalohany dia irony fiara mpisotrosotro tetsy Mahamasina irony, izay efa nahazohazo moa ka dia teo ivelan’ny lapan’ny kolontsaina teo no nandefa ilay hira mafy dia mafy. Ny fanindroany kosa, ny sabotsy lasa teo tamina fetim-pianakaviana tamin’ny toeram-panaovana lanonana iray akaikin’ny renivohitra. Akory ny hagagana fa dia nalefan’ilay DJ ilay hira. Ary ny tena nahavariana dia sady nihorakoroka ny olona no nandihy avokoa.

Lasa ny saina ankehitriny fa tsy takona afenina intsony ny tsy fitiavan’ny besinimaro ity fitondrana baranahiny ity. Tsy misy tahotra na kely aza mantsy fa dia faly sy ravo ny olona vao manomboka fotsiny ilay feon-kira voalohany. Rehefa dinihina tokoa, inona no tokony hatahorana amin’izany ?

Nangonin’i Tevez