Actualités

Hiary Rapanoelina Naverina eny Antanimora

Actualités
Alarobia 01 Martsa 2017

Ny 7 martsa izao no hivoaka ny didim-pitsarana farany mikasika ny raharaha Hiary Rapanoelina, raha ny vaovao voaray tetsy amin�ny lapan�ny fitsarana Anosy omaly.

Tsiahivina hatrany fa raharaha miisa 3 no niampangana ity mpanakanto ity izay efa samy nanatsoahan’ireo mpitory azy ny fitoriana napetraka taminy daholo. Anisan’izany ny resaka fanalam-baraka imasom-bahoaka sy ny fandrahonana haka an-keriny zanaka solombavambahoaka iray tamin’ny alalan’ny vondrona antsoina hoe “fifosana hanatsarana people gasy” ao anaty tambajotra facebook. Tsy naha afabela azy teo anatrehan’ny fitsarana ity fiapangana farany ity, raha ny fanazavan’ny mpisolovavan’ny voapanga, saingy mbola zava-baovao, hoy izy, ity tranga iray ity ka dia aleo aloha hisintona ny fitsarana dia miandry izay amoahany didy. Izay ihany aloha no azo ambara, hoy izy.

Mirija