Actualités

Hetsika Olom-Pirenena Entanina Hiady amin’ny kolikoly

Actualités
Zoma 16 Jona 2017

Nampahafantarina omaly alakamisy 15 jona tetsy amin’ny American center Tanjombato ny fitsanganan’ny fikambanana Hetsika Olom-Pirenena Entanina (H.O.P.E). Ireo tanora mpitarika miisa 46 ao amin’ny andiany faha-12 an’ny Centre d’Etudes Diplomatiques et Strategiques de Madagascar (C.E.D.S) raha ny fanazavan’ny masoivoho amerikanina miasa eto amintsika, Robert Yamate, izay sady mpiahy ny andiany no nanapa-kevitra hamorona azy ity.

Dimy ny laharam-pahamehan’ny fikambanana dia ny hampandray andraikitra ny olom-pirenena, ny ahatonga ireo antontan’isa misy hisokatra ho an’ny olom-pirenena rehetra, ny hisian’ny fitantanam-bola mangarahara, ny hahatontosa ireo raharaham-bahoaka ary ny fahazoan’ny rehetra vaovao malalaka. Ny tahala iraisam-pirenena ho an’ireo mpandala ny fanavaozana any amina firenena miisa 75 izay efa nahavita nanery ny mpitondra eo aminy avy hanaiky fa hampiroborobo ny mangarahara, hampivoatra ny olom-pirenena, hiady amin’ny kolikoly ary hifehy ireo teknolojia vaovao hanamafisana orina ny fahaiza-mitantana moa, raha ny fanazavan’ny filohan’ny fikambanana, Williamson Razafindrano, no nanainga ny fanahin’izy ireo hanangana ny H.O.P.E. Anisan’ireo mpanolotsaina ao anatin’ny H.O.P.E moa ny filoha tale jeneralin’ny vondron’orinasa Vidy Varotra, izay misy ny gazety Tia Tanindrazana, Tahiana Razafinjoelina.

Mirija