Actualités

Hetsika ho an’ny fanovana Hangotraka ny any Toamasina anio

Actualités
Sabotsy 05 Mey 2018

“Malalaka ny hetsika ataon’ny depiote eo amin’ny tany malalaky ny lapan’ny tanàna; saingy aoka samy hanaja ny lalàna velona ny rehetra amin’ny fitandroana ny filaminam-bahoaka.

Tsy hanaiky fa tsy maintsy mandray fepetra ny mpitandro ny filaminana raha misy ny mihoa-pefy ka hiteraka korontana”, hoy ny teo anivon’ny Emmo-Reg raha nanontaniana mikasika ity hetsiky ny depioten’ny fanovana hanao hetsika faharoa ao Toamasina anio sabotsy tolakandro ity. Efa saika tonga any an-toerana hatramin’ny omaly avokoa ireo depiote hitarika izany, izay ahitana ny depioten’i Mahanoro Naharimamy Lucien Irma, ny depioten’i Toamasina I Famindra Justin, ny depioten’i Toamasina II Roilahy Jonah ary ny depioten’i Soanierana Ivongo sy ny depioten’i Vavatenina ary ireo depiote roa lahy avy ao Moramanga sy Ambatondrazaka. “Tsy misy ny hatahorana amin’ny fandaminana”, hoy ireto depiote ireto, satria efa vonona avokoa ny rehetra, ny vahoaka rahateo efa sasa-miandry izao hetsika izao . Anisan’ny hanafana ny hetsika anio tolakandro amin’ny 2ora ny tarika Dah’mama.

Rakoutou