Actualités

Helikoptera avy any Afrika Atsimo Nikoropaka ny mpitondra FAT

Actualités
Talata 26 Oktobra 2010

Liana avokoa ny mponina tao Mahajanga afak’omaly raha nahita helikoptera iray nipetraka tao amin’ny seranam-piaramanidina Amborovy. Na ireo mpitandro ny filaminana tany an-toerana aza tsy nahalala izay anton’ity helikoptera ity. Teratany Afrikanina Tatsimo roa no nitondra ity voromby ity. Rehefa nofotorana izy ireo dia haka sary an’i Madagasikara no anton-diany. Omaly kosa no tonga teto an-drenivohitra ilay helikoptera. Rehefa nofotorana ireto teratany vahiny roa ireto dia nilaza fa manana ny fahazoan-dalana avy amin’ny Aviation Civile de Madagascar sy ny Asecna. Tsy vao izao no nisy tranga tahaka izao fa matetika mihitsy. Efa eto an-toerana ireny fiaramanidina vahiny ireny vao gaga ny manampahefana. Tany amin’ny faritra Atsimo ihany koa efa nisy tahaka izao. Any am-boalohany dia tsy mahalala inona ny lehiben’ny mpitandro ny filaminana. Minitra maro aty aoriana vao hoe nahazo alalana ilay fiaramanidina. Tsy voafehy intsony ny habakabak’i Madagasikara amin’izao fotoana izao.