Actualités

Hazo beravina Tanjombato Nahitana zazarano tao anaty sachet

Actualités
Alatsinainy 02 Novambra 2015

Zazarano efa hary tongotra aman-tanana miaraka amin�ny tadim-poitrany no nisy nanary teny amin�ny hazo beravina lalovan�ny ranon�Ikopa etsy Tanjombato ny faran�ny herinandro teo.

Nofonosina tsara tao anaty sachet miloko mainty izy io rehefa tombanana ho avy nalana na nateraka dia novoina ary notsindriana vato avy eo mba tsy hisy hahita. Olona sendra nandalo no voasarika nijery ilay sachet ka nahita fa zaza menavava tsy manan-tsiny no tao anatiny, ary efa tsy misy fofon’aina intsony. Ny zoma lasa teo no efa nisy nahita io razana kely io. Mbola nijanona teo amin’ilay toerany ihany anefa izany hatramin’ny sabotsy teo, tsy nisy lehiben’ny fokontany na tompon’andraiki-panjakana hafa tonga nijery. Raha araka ny vaovao azo teny an-toerana anefa dia olona marobe no efa nahita azy io saingy samy nitsetra fotsiny dia lasa. Tsiahivina fa ahitana tranga tahaka izao matetika eto an-drenivohitra tato ho ato.

Pati