Actualités

Hay ve ianareo sesesy mitam-basy e !

Actualités
Alakamisy 03 Septambra 2015

Iny indray no tsy hitako ry Jean a, mba marina e. Aza mba vendrana ihany ihany hoa e.

Tena tsy takatro mihitsy mantsy hoe hay ve ianareo ka nampianatra fomba fanaovana darok’alikan’ny tsy miala vola tamin’ilay teny Ankatso iny e. Hay koa moa ianareo efa zatra mampianatra ankalamanjana sady maimaimpoana. Raha azoko tsara izany dia iretsy seces tsy mampianatra, fa ianareo indray sesesy mitam-basy, manome lesona an-dry Zanpiera. Tena latsaka mihitsy izay tsy ho latsaka ny ahy tato an-trano aty Ambohimahadizina ry Jean nilazan-dry bandy akama fa hay te handray anjara amin’ny fampianarana an-dry Zanpiera ianareo rehefa tsy mampianatra ihany ry Seces, fa ny anareo lesona tonga dia fampiharana sady maimaimpoana no atao.

Marco be tatasika