Actualités

Fosafosa facebook Nisintona ny fitoriany i Jaona Elite

Actualités
Sabotsy 25 Febroary 2017

Taorian�ny dinika nifanaovan�ny fianakavian�i Hiary Rapanoelina sy ny solombavambahoaka Harijaona Randriarimalala na Jaona Elite afak�omaly, dia nisy ny valandresaka nataon�ny roa tonta, niampy ny eo anivon�ny sendikan�ny artista omaly.

Nivoitra tamin’izany ny faneken’ny depioten’Antsimondrano Jaona Elite ny fanatsoahana ny fitoriany an’ity mpanakanto izay naiditra am-ponja vonjimaika noho ny resaka fanalam-baraka tao anaty tambajotram-pifandraisana fesiboky ity. Taorian'ny sendikan'ny artista dia nanaiky ny hanatsoaka ny fitoriana ny mpitory iray hafa, ary maniry ny tsy hanasoratan’ny fitsarana ny raharaha ny rehetra. Fantatra nandritra ny valandresaka nataon'ireo nitory sy ny fianakavian'i Hiary Rapanoelina ihany koa fa hakatona ao anatin'ny fotoana fohy ilay vondrona fesiboky niteraka ny olana rehetra. Azo lazaina ho efa tsy misy intsony izany ny fanenjehana avy amin’ireo olona sokajiana ho lasibatra tamin’ity raharaha ity, izay niatrika ny valandresaka omaly ny ankamaroany toa an-dry Princio, Melky, Rossy, Lalatiana Rakotondrazafy ... Masi-mandidy amin’ny fanapahan-keviny kosa anefa ny fitsarana ka hiarahan’ny rehetra mahita eo izay didy hivoaka ny 28 febroary, satria amin’io daty io no fotoana voatoandro hamoahan’ny fampanoavana ny didy mikasika iny raharaha iny.

Toky R