Actualités

Foloalindahy Tsy mandrimandry amin�ny ankapobeny

Actualités
Talata 30 Novambra 2010

Nandeha be ny resaka omaly fa hohadihadiana ny lehiben’ny Etamazaoro jeneralin’ny tafika malagasy, ny jeneraly Ndriarijaona André. Noho ny raharaha BANI no fantatra fa anton’izany. Voalaza mantsy fa anisan’ireo voatonona tamin’iny resaka iny ity tompon’andraikitra ity. Rehefa narahina akaiky anefa ity feo niely omaly ity dia tsy mbola voaporofo ny fisiany. Ny tsikaritra teny anivon’ireo toby miaramila dia toa milamindamin-dratsy izany. Ny sasany tamin’ireo miaramila aza toa te haneho hevitra kanefa tsy sahy indray rehefa tena fotorona akaiky. Ny teny niraisan’ny miaramila vitsivitsy dia hoe : mbola ho avy ny andro hitenenan’izy ireo. Ankoatra izay dia voalaza fa nandeha koa ny feo fa nisy fitakiana vaovao izany indray nitranga teny anivon’ny toby BANI Ivato omaly. Tsy fantatra moa izay marina mikasika io resaka io indray, fa ny tsikaritra dia toa tahaka ny tsy mandrimandry izany ireo miaramila amin’ny ankapobeny. Ho hita eo ny tohin’izany rehetra izany fa efa nisafidy ny hampiasa hery amin’izay manohitra azy ny FAT.

Rakoto Maxime