Actualités

Fokontany Mandalotsimaka Ambohijanaka Namboarina ny lalana

Actualités
Alatsinainy 08 Jona 2015

Anisan'ny kaominina misedra olana amin'ny haratsian'ny lalana ny kaominina Ambohijanaka ao anatin'ny distrikan'Antananarivo Atsimondrano. Saika ireo tantsaha mpamokatra ao aminy avokoa anefa no mamatsy legioma

an'Antananarivo sy ny manodidina, antony nanosika an-dRamamonjy Alain kandida ben'ny tanàna ao an-toerana hanao asa fanamboaran-dalana maimaimpoana. Tao amin'ny fokontany Mandalotsimaka no nisantarany izany ny faran'ny herinandro teo ka lalana mirefy 2 km no hasiam-panamboarana. Nohalamaina fotsiny aloha ilay lalana efa feno kitoantoana teo aloha raha kasaina hatao rarivato atsy ho atsy. Tanjon'ity kandida iray ity ny hahafahan'ireo tantsaha mpamokatra mamoaka ny vokany, ezaka efa nataony tany amin'ireo fokontany hafa ihany koa. Marihina moa fa ankoatra ny asa fanamboaran-dalana tahaka izao dia mijery akaiky ny ara-tsosialin'ireo mponina ao Ambohijanaka Ramamonjy Alain.

Pati