Actualités

Fitsirihana solitany 1.000 dolara isan�andro ny karaman�ireo injeniera vahiny

Actualités
Alakamisy 06 Mey 2010

Mahabe fanantenana ny tontolon’ny solitany eto Madagasikara. Miditra amin’ny dingana faharoa ankehitriny ny fitsirihana sy ny fikarohana solitany eto amintsika. Ahitana solitany avokoa ny ilany andrefan’ny Nosy saingy ny faritra Atsimo Andrefana no tena misy azy. Orinasa goavana maro no manao izany asa fikarohana izany toy ny Madagascar Petroleum ao avaratra Antsohihy sy Toliary, ny Exxon Mobil ao Mahajanga ary ny Madagascar Oil ao Tsimiroro. Hany orinasa Malagasy eo amin’ny sehatra kosa ny Petromad izay tantanin-dRasolovoahangy Roseline ary miasa ao amin’ny kaominin’i Bezaha. Nivoitra nandritra ny atrikasa momba ny solitany teny amin’ny Centre de Conférence International Ivato omaly fa anisan’ny olana ho antsika ny tsy fananana mpiasa manana fahaizana manokana amin’ity sehatra ity ka mahatonga ireo orinasa mpitrandraka manafatra mpiasa vahiny. Midangana dia midangana anefa ny karaman’ireo vahiny ireo satria 1.000 dolara isan’andro no raisin’ny injeniera iray. Noho izany antony izany indrindra no anentanan-dRasolovoahangy ny fanjakana hanofanana ireo injeniera sy teknisianina Malagasy. Tsy hionona amin’izay anefa ny tenany fa mihevitra ny hidina eny anivon’ny sekoly Polytechnique Vontovorona hizara ny traikefany amin’ireo mpianatra.

Andry