Actualités

Fitrandrahana “Graphite” ao Ambatolampy Loza ho an’ireo mpianatra madinika

Actualités
Alatsinainy 07 Aogositra 2017

Fahasimban’ireo voly sy ny fiainan’ireo mponina ao an-toerana, raha ny fitarainan’ireo fokonolona manamorona toeram-pitrandrahan’ny orinasa kanadianina 1 ao Ambatolampy, distrikan’i Brickaville,

no nateraky ny fitrandrahana ataon’ity orinasa ity. Efa nisy, raha ny fampitam-baovao ny fifampiresahana teo amin’ireo mponina sy ny tompon’andraikitry ny orinasa tany aloha tany ary nitsangana taorian’izay koa ny komitin’ireo mponina misahana ny fifanarahana. Ny 7 jona teo indray anefa no nisy fihaonana farany tamin’ilay kanadianina, hoy ireo mponina, ary ankehitriny dia nivaona tamin’izay nifanarahana ny zava-mitranga satria dia miha miroso amin’ny tsy fanarahan-dalàna ireo vahiny. Ireo mpianatra ao amin’ny sekoly izay manamorona ity toeram-pitrandrahana vato “Graphite” ity moa no tena atahoran’ireo mponina satria dia lalina loatra ilay lavaka ka ahiana ho latsaka any ireo zaza. Nanao antso avo amin’ny fitondram-panjakana, noho izany, ireo mponina mba hijery ny toe-draharaha.

J. Mirija