Actualités

Fitokonana eny amin�ny Oniversite Raikitra koa ny ao Barikadimy sy Antsiranana

Actualités
Alakamisy 07 Oktobra 2010

pianatra amin’ny taona voalohany miisa 500 ao Barikadimy Toamasina no tsy nahazo vatsimpianarana nandritra ny fito volana. Ela niandrasana izy ireo. Feno ny kapoaka ankehitriny ka dia hiroso amin’ny fitakiana ary ho mafimafy izany, manomboka anio. Anio koa ireo mpampianatra mpikaroka any an-toerana no hifamory handinika ny hanamafisana ny fitakiana efa nirosoan’ny SECES Antananarivo. Rehefa nivory koa ny mpampianatra mpikaroka tany Antsiranana dia tapa-kevitra fa hiroso amin’ny fitokonana hanamafy ny eto Antananarivo sy ny any Toliara izy ireo. Tsy zakan’ny mpampianatra eny amin’ny ambaratonga ambony ary nampiakatra afo azy ireo ny fiampangana azy ireo ho mpangalatra amin’ny «heures complémentaires», manginy fotsiny ny fampanantenana poakaty lava atao azy ireo. Sorena tanteraka tamin’izany ny mpampianatra ary nilaza mihitsy hoe : avoahy ny porofo raha nisy nangalatra dia gadrao fa aza ny mpampianatra rehetra no endrikendrehana.

Nangonin’i Jean D.