Actualités

Fitantanam-bolam-panjakana Iharan�ny teritery ireo �Administrateurs adjoints�

Actualités
Alatsinainy 30 Aogositra 2010

Teknisiana miandraikitra ny fanatanterahana ny fampiharana ny fitantanam-bolam-panjakana ny �Administrateurs adjoints des services financiers� izay miasa eo anivon�ny sampandraharahan�ny tetibola.

Miara-miasa amin’ny «Administrateurs des services financiers» izy ireo amin’izany. Ny taona 2004 no niorenan’ity sokajin’asa ity raha 58 kosa ny isan’izy ireo ankehitriny. Efa manana ny sendikany izy ireo izay manatanteraka fivoriambe indray mandeha isan-taona. Ho an’ity taona ity dia ny zoma lasa teo no nanatanterahana izay fihaonana izay teto an-drenivohitra. Fandinihana ny olana amin’ny fanatanterahana ny asa no lahadinika amin’izany. Olana mateti-pitranga ny tsy fifehezana na koa teritery ataon’ireo olom-boafidy sasantsasany izay tsy mahafantatra akory ny fitsipika arahana momba ny fandaniana na fampidiram-bolam-panjakana araka ny fanazavan’ny mpizaika. Eo anatrehan’izany dia ny fametrahana fitantanana mazava ny momba fampiasam-bolam-panjakana no tanjon’ny sendika araka ny fanazavan’ny filohany, Rtoa Razanadray Bodo. Izay manana diplaoma lisansa no afaka mandray anjara amin’ny fifaninanana hiditra ho “Administrateurs adjoints des services financiers”. Miofana mandritra ny iray taona eny amin’ny IMATEP Androhibe kosa ireo voaray amin’izany vao mandray asa eny anivon’ny ministeran’ny vola.

Yves