Actualités

Fitambaran’ny zanak’Antemoro Mitaky ny hanokafana ny seranan-tsambon’i Manakara

Actualités
Alatsinainy 12 Martsa 2018

Notsofin-drano ny faran’ny herinandro teo ireo mpikambana vaovao eo anivon’ny biraon’ny fitambaran’ny zanak’Antemoro na ny FIANTA, hiasa mandritra ny efa-taona.

Tsy ho toy ny mahazatra intsony ny fomba fiasan’ity birao vaovao ity manomboka izao. Raha variana tamin’ny fanatsarana ny lafiny ara-tsosialy hatrany mantsy ireo mpikambana teo anivon’ny biraon’ny FIANTA teo aloha, dia hatsangana eo anivon’ny birao vaovao mihitsy manomboka izao ny fampandrosoana ny Faritra Vatovavy Fitovinany. Anisan’ny hotakian’ireo birao amin’ny fanjakana amin’izany ny hanokafana indray ny seranan-tsambon’i Manakara raha eo ihany koa ny fanamboarana ny lalamby hahafahan’ny olona sy ny vokatra mifamezivezy. Hitondra ainga vao ho an’ny Faritra Vatovavy Fitovinany ny fahavitan’ireo asa goavana ireo, hoy hatrany Randrianasoavina Christian, satria dia hahafahana mampiroborobo ny toekarena any an-toerana sady hanomezan-tanana ireo mpiray tanindrazana tsy an’asa ihany koa.

Pati