Actualités

Filohan�ny UCTU Ahiana hiharan�ny hatezeram-bahoaka

Actualités
Alarobia 01 Febroary 2017

Mivoatra hatrany ny fahasorenan�ny mpanjifan�ireo zotran�ny kaoperativa UCTU amin�ny afitsok�ireo mpamily sy mpanerany.

Nataon’ny filohan’izy ireo, Andrianambinintsolomora Bernardin, ho fehezanteny nentina nanamarinana ny fampiakarana ny saran-dalan’izy ireo hatrany anefa ny filazana fa ho hentitra ny fanaraha-maso ny kalitao saingy fitaovana nandinganana mpanjifa hatrany aloha izany hatramin’izao. Efa hatrany amin’ny faramparan’ny taona 1990, fony hoe hakarina 200 ariary ny saran-dalana no efa naharenesana io fehezanteny io saingy ny zavatra hita mampimenomenona ny maro dia mbola ratsy ny seza, misy fiara tsy misy radio, mpitatitra sy resevera manintsana eny an-tenantenan-dalana na ihany koa manivana mpandeha. Izany hatrany no iainan’ny ankamaroan’ireo mpandeha amin’ity kaoperativa mpitatitra an-drenivohitra mivezivezy manodidina an’Ambohijatovo, Anosy, Mahamasina ka hatrany Nanisana, toy ny zotra 193, 162, 147, 119. Ny mahagaga anefa dia izy hatrany no maika indrindra hampiakatra ny saran-dalany noho ireo vondrona kaoperativa hafa misy. Ahiana mafy hiharan’ny hatezeram-bahoaka, noho izany, ity vondrona kaoperativa ity sy ny filohany.

Mirija