Actualités

Fikambanana Tandroharena Mila teny sy tany tony isika

Actualités
Alarobia 12 Jolay 2017

Tsy nisy nanaja ny teny nomeny na ny sonia nataony ireo mpitondra nifandimby tao anatin’ny 26 taona nanoratan-dRado ilay tononkalo hoe “Mahagaga”,

hoy ry zareo avy eo anivon’ny fikambanana ara-kolontsaina, Tandroharena, izay hivondronan’ireo mpikaroka momba ny harem-pirenena. Miha lalina ny fahaverezan-kasin’ny teny amin’ny maha lova azy, hoy ny fikambanana, ary antony nanaovanay ny hetsika “Vaky vakoteny” tany Ambohimandroso ny faramparan’ny volana jona teo. Nivoitra tao ny vela-kevitra hoe: “Teny-tany-tony” satria tsy andairan-teny intsony ny fiarahamonintsika ka mahatonga ny nosy tsy ho tony, hoy ny fikambanana. Nilaza i Joel Rafanomezantsoa, filohan’ny fikambanana fa hovelarina manerana ny nosy ny hetsika mba hampitombo lanja izay herin’ny tenintsika izay. Mila tany sy teny tony isika, hoy ny Tandroharena.

J. Mirija