Actualités

Fikambanana TAMIA Nijery manokana ny fokontanin’Ambatomaro

Actualités
Alarobia 28 Jona 2017

Noho ny fokontanin’Ambatomaro tsy mba misy mijery firy hatramin’izay no nahasarika ny fikambanana TAMIA hanohy ny asa soa fanaony teny amin’ity toerana ity,

ny zoma faran’ny herinandro teo, ka nanolorany vary 2 gony ho an’ireo zokiolona teny an-toerana ho mariky ny fanajana amin’izao Asaramanitra izao ary harendrina niaraka amin’ny tenin’Andriamanitra ary vatomamy ho an’ireo kilonga teny an-toerana ihany koa mba hisitrahan-dry zareo ny fety tahaka an’ireo zanaky ny mpanao politika sy ny mpanambola. Tsy miova hatreto ny tarigetran’ny TAMIA dia ny manolotra izay tsirambin’ny tanana ho an’ny sahirana tsy misy tambiny sy miady amin’ny fitiavan-tena. Nambaran’Atoa Randrimahefa Benjamina filohany fa efa nalefa any amin’ny faritra ivelan’Antananarivo misy masoivohon’ny TAMIA ny anjara fanomezana ho an’ireo sahirana any an-toerana.

Ntsoavina Evariste