Actualités

Fikambanana Ny Antsika Nisantatra ny asa soa teny Amborompotsy

Actualités
Alarobia 08 Aprily 2015

Nisafidy ny alatsinain�ny Paska ny fikambanana Ny Antsika hanombohana ny asa fanasoavana ny fiarahamonina eo anivon�ny kaominina Talatamaty.

Nanamarika ny tontolo andro ny fampisehoana ara-javakanto maimaimpoana niarahana tamin’ny Nambinints Orchestra, Kiaka, Ndondolah, Bob Tselonina ary Ronaldo. Nitsinjo ireo mpiara-belona ity fikambanana tsy miankina sady tsimialonjafy ity ka nizara sakafo antoandro vary masaka 250 kilao, saosisy 100 kilao ary tsaramaso 400 kapoaka ireo olona manodidina ny 2.000 tonga niara-paly teny amin’ny kianja Amborompotsy. Tsy nanadino ireo kilonga marobe teny an-toerana ihany koa ireo mpikambana efa manenika ireo fokontany 12 tamin’ny fampilalaovana «toboggan». Sokajin’ny «Ny Antsika» ho fahombiazan’ny fampiharana ny 3P na fiaraha-miombon’antoka eo amin’ny fanjakana sy ny sehatra tsy miankina sahady moa ity hetsika santatra asa soa nokarakarain’ny fikambanana ity.

Ramano F.