Actualités

Fikambanana Fitia : tsy mangarahara ny fidiram-bolany ?

Actualités
Alakamisy 11 Novambra 2010

Nanodidina ny 66 tapitrisa Ariary no lany tamin’ny sakafo tamin’ny fetin’ny reny, ny ambiny tsy lany nividianana kojakoja madinika toy ny sakafo, fimailo, sy ny maro hafa ; 1 hetsy Ariary isam-bolana arotsaka amin’ny kaontin’ireo ankizy mendrika, hatramin’ny faha-18 taonany, ny fitondrana ireo ankizy miala sasatra tsy ferana intsony ; teo amin’ny 31 tapitrisa Ariary no natokana ho an’ireo ankizy 31 mendrika ireo. Tsy ny mendrika amin’ny Cepe ihany fa hatramin’ny bakalorea nahazo anjara avokoa. Avy aiza daholo no nahazoan’ny fikambanana Fitia izay noforonin’ny vadin’ny filohan’ny FAT, Mialy Rajoelina. Ny hany fitadiavam-bola mba heno sy natao an-kalamanjana izao dia ny teny Ampefiloha, tolo-tanana ho an’ireo traboinan’ny rivodoza Hubert nahazoan’ny fikambanana Fitia vola hatrany amin’ny arivo tapitrisa iraimbilanja. Hatreto dia tsy fantatra ny fihavian’ny volan’ny fikambanana, avy ao amin’ny kitapom-bolan’ny prezidansa sa kaonty manokana. Raha kaonty manokana kosa dia avy aiza. Ny mangaraharaha mandrakariva manko no notakiana teto amintsika hatramin ‘izay ary isan’ny foto-pitakian’ireo mpomba ny Tgv tamin’izany fotoana mihitsy ny hisian’ny mangaraharaha amin’ny fitantanana, indrindra fa ny ara-bola. Mari-drefy ahitana sy hamatrarana ny fahaiza-mitantana.

Nangonin’i Soa