Actualités

Fikambanan�ny Lahy samy lahy mifankatia 800 no isan�ny mpikambana

Actualités
Alakamisy 12 Janoary 2017

Efa tafakatra 800 isa ankehitriny, mivondrona anatina fikambanana miisa 14 ireo olona mitovy taovam-pananahana miaraka sy mifankatia eto amintsika, raha araka ny fanadihadiana natao.

Lahy sy lahy ny ankamaroan’izy ireo, tarihin-dRasoanaivo Balou filohan’ny fikambanana Solidarité des MSM. Mety tsy voasakana intsony araka izany ny fisian’izy ireny miara-mirihariha eny anivon’ny fiarahamonina eny. Teny filamatr’izy ireo rahateo ny manao hoe : « safidiko sy zoko ny manao izay tiako » raha araka ny fanazavan-dRasoanaivo Balou hatrany. Na izany aza anefa dia tsy manao izay mahamety azy fotsiny izy ireo, fa miezaka miady amin’ny aretina SIDA. Anisan’ireny ny fitondrana matetika ireo mpikambana manao fitiliana eny anivon’ny tobim-pitsaboana, toy ny nitranga teny amin’ny CSB II Ambohitsoa, ny talata lasa teo. Niarahany tamin’ireo mpitsabo eo anivon’ny « Aide et soin aux malades » etsy Befelatanana izany, ho fitandroana ny fahasalaman’izy ireo. Nomarihin’i Balou Rasoanaivo moa fa tsy ny fiarahan’ny olon-droa mitovy taovam-pananahana ihany no miteraka aretina, fa na ny lahy sy ny vavy miaraka aza dia lasibatra ihany koa. Nomarihiny ihany koa fa efa mahasahy mifampitantana eny an-dalana izy ireo, saingy tsy mbola nomen’ny fanjakana alalana raha eo ihany koa ny fitiavany te-handeha lavidavitra kokoa.

Pati