Actualités

Fihantsian�ny FAT Namaly ny dokotera !

Actualités
Alarobia 01 Desambra 2010

Tsy azo hampiharina ny “réquisitoire” raha tsy amin’ny tranga telo ihany dia ny fiparitahan’ny areti-mandoza, ny fisian’ny loza voajanahary ary koa ny fisian’ny ady. “Tsy mbola misy mitranga anefa aloha na ny iray amin’ireo teboka ireo ary amin’izao fotoana izao ka dia holavinay ny fanasoniavana ny taratasy natao hosoniavinay”, araka ny fanahapahan-kevitra vaovao noraisin’ny mpitsabo manoloana ny faneren’ny ministera azy ireo. Dikan’izany dia mbola hitohy indray ny fihantsiana eo anivon’ny ministera tompon’andraikitra sy ny mpitsabo. Raha araka ny fantatra rahateo dia tsy eken’ny mpitsabo ny famindrana toerana azy ireo avy amin’ny alalan’ny “note de service” fotsiny ihany. Raha ny heno aza dia efa misy ny fanangonana antontan-taratasy ataon’ny mpitsabo amin’izao fotoana izao. Ny handefasana an’izany kosa dia mbola notanan’ireo ho tsiambaratelo.

r.d