Actualités

Fiatrehana ny loza voajanahary Efa vonona tanteraka ny BNGRC

Actualités
Talata 15 Desambra 2015

Efa vonona tanteraka amin�ny fiatrehana ny loza voajanahary ny birao nasionaly misahana izany, raha araka ny fanazavan�ny tompon�andraikitra voalohany ao aminy Andriamatoa Venty Thierry.

Teknisianina miisa 20 avy amin’ny BNGRC indray mantsy omaly no niatrika fiofanana momba ny fikirakirana ireo karazam-pitaovana hampiasain’izy ireo mandritra ny fiatrehana ny loza niarahany tamin’ny PAM. Tanjona ny hahafahan’ireo mpizaika mikirakira sy mampiasa ireo karazam-pitaovana araka ny tokony ho izy, raha eo ihany koa ny fanarahana ny fenitra iraisam-pirenena hisorohana ny mety ho fitombon’ny isan’ny olona mamoy ny ainy sy ny very fananana. Tafiditra ao anatin’ny fiofanana hatrehin’izy ireo koa moa ny fiatrehana amim-pitoniana ny loza sy ny fifehezana ny tondra-drano. Marihina fa miezaka hatrany ny BNGRC ankehitriny, hikolo sy hampiasa ireo fitaovana misy eo am-pelatanany, na dia fantatra aza izany fa tsy ampy. Nohamafisin’Andriamatoa Venty Thierry moa fa tsy ny ho enti-manana no zava-dehibe fa ny fahavonona hiatrika ny zavatra mety hitranga.

Pati