Actualités

Fiara fitaterana mpiasa eny amin�ny Antenimieram-pirenena Tsy mihetsika intsony noho ny olana ara-tsolika

Actualités
Alakamisy 03 Septambra 2015

Tsy afa-mihetsika manatanteraka ny asany intsony ireo fiarabe fitaterana mpiasa eny amin�ny Antenimieram-pirenena eny Tsimbazaza noho ny olana ara-tsolika.

Samy manao izay ho afany amin’ny famonjena fodiana, araka izany, ireo mpiasa tsotra eny amin’ity andrim-panjakana ity fa rehefa misy ilan’ny lehibe azy ihany vao mihetsika ireo fiara ireo ankehitriny. Raha nanontaniana moa ny depiote tompon’andraikitry ny fandraharahana eny an-toerana dia nanambara mazava fa tsy misy azo atao fa samy tsy nahazo taratasin-tsolika hatreto ny rehetra na ny depiote na ireo mpandraharaha ka dia mijanona eo vonjimaika aloha ireo. Avy amin’ny feo hafa heno teny an-toerana kosa no nahalalana fa tamin’ny fitondran’ity filoha farany ity ihany hatramin’izay no nisy fitrangan-javatra tahaka izao.

Ntsoavina Evariste