Actualités

Fiahiana ireo traboina Nanampy ny BNGRC ny CNaPS

Actualités
Alatsinainy 15 Janoary 2018

Manoloana ireo voina nihatra tamin’ny mpiray tanindrazana noho ny fandalovan’ny rivodoza AVA ary amin’ny maha orinasa misahana ny fiahiana ara-tsosialy azy dia nitondra ny voatsirambin’ny tanana nanolotra fanampiana ho an’ireo traboina manerana ny nosy ny fianakaviamben’ny CNaPS ka nanolotra vary miisa 55 gony,

bodofotsy miisa 550 ary savony miisa 500 baoritra. Ny BNGRC no hitsinjara ireto fanampiana ireto, ka any amin’ireo toerana ilana fanampiana maika, izany hoe ireo toerana maro traboina no handefasana ny fanampiana toy ny eto Antananarivo Renivohitra, Toamasina voalohany sy faharoa, faritra Vatovavy Fitovinany ary Alaotra Mangoro. Nambaran’ny talen’nyfitantanan’ny CNaPS Rakotomila fa tsy vitan’ny CNaPS ny hizatam-potsiny ireo traboina izay rava trano sy rava fananana vokatr’iny rivodoza AVA iny, ka naniraka ny fianakaviamben’ny CNaPS ny tale jeneraly Arizaka Rabekoto Raoul nitondra ireo fanampiana ireo teny amin’ny BNGRC.