Actualités

FFKM Nihaona tamin�ireo filoha nisitaka

Actualités
Alakamisy 19 Martsa 2015

Nizotra tsara araka ny tokony ho izy ny fakan-kevitra natao tany amin�ny faritra, hoy ny mpitandrina Lala Rasendrahasina filoha mitarika ny FFKM amin�izao fotoana. Efa nisy ihany koa ny asa mangina nihaonana sy nifampidinihana tamin�ireo filoha roa dia Andry Rajoelina sy Zafy Albert

izay nisitaka tamin’ny fampihavanam-pirenena. Tsy fifandresen-dahatra akory no natao, hoy izy, fa fampahafantarana azy ireo ny maha zava-dehibe ny fampihavanam-pirenena. Nanipika mazava ny mpitandrina Lala Rasendrahasina fa tsy hoe ny hevitry ny FFKM no raisina sy ekena amin’ity resaka fampihavanam-pirenena ity fa tena ny hevitry ny olona mandray anjara amin’ny fivoriana no aravona sy hamoahana ny tsoa-kevitra farany.

Nangonin’i RTT