Actualités

Fetim-pirenena Frantsay Nand� ny fanasana ny firehana Zafy Albert

Actualités
Talata 13 Jolay 2010

Na dia teo aza ny ezaka manokana nataon’ny masoivoho frantsay miasa sy monina eto Madagasikara, Jean-Marc Châtaigner omaly dia mafy orina ny foto-kevitra ijoroan’ny firehana Zafy. Araka ny fantatra mantsy dia tsy hanatrika ny fetim-pirenena frantsay hankalazaina eny Ivandry izy ireo. Tahaka ny firehana telo dia anisan’ireo nahazo fanasana hanatrika ity fety ity ihany koa ny firehana Zafy. Efa hatry ny omaly anefa izy ireo no nanizingizina fa tsy hanatrika izany. Naheno izany ny teny Ambatobe misy ny masoivoho frantsay dia nangataka ny hihaona tamin’ny lehiben’ny firehana i Jean Marc Chataigner omaly. Taorian’ny fihaonan’ny roa tonta dia mbola nanamafy indray ny avy amin’ity firehana ity fa tsy hanatrika izany fety izany mihitsy izy ireo. Izany anefa, hoy izy tsy midika fa mety hisy ihany ny olona avy ao aminy izay tsy voafehy hanatrika izany. Ny an’ny firehana roa hafa kosa ankoatra ny FAT dia tsy mbola nanapa-kevitra hatramin’izao. Ho hita ny marina rahampitso.