Actualités

Festival Mamahoaka Antsirabe Nofoanana noho ny olana ara-bola

Actualités
Alakamisy 10 Septambra 2015

Sahirana ihany koa vokatry ny tarazon�ny krizy ny mpanakanto raha ny nambaran�i Mami Bast�. Antony iray nanafoanana ny Festival Mamahoaka fanao ao Vakinankaratra izany.

Nambarany fa noho io olana ara-bola io dia saika nampiarahana amin’ny Foara Z’ovy, foaran’ny Faritra ny Festival Mamahoaka ny faran’ny volana ity saingy nihemotra ho amin’ny faran’ny volana oktobra indray ny Z’ovy vao hatao dia naleon’ny mpikarakara ny Festival Mamahoaka niato tanteraka. Mety efa hisy orana amin’izany fotoana izany, hoy i Mami Bastà nefa ankalamanjana ny hetsika sady maimaimpoana. Raha tsiahivina dia fifanakalozana sy fitrandrahana ireo mpanakanto vao misondrotra ka hanosehana izany no tanjon’ny Mamahoaka tao Vakinankaratra hatramin’izay. Antsirabe rahateo taninketsan’ny mpanakanto ho an’i Madagasikara. Nivelatra amin’ny iraisam-pirenena izany taty aoriana, izay vao mainka nampitombo ny filana ara-bola, nefa ny hetsika maimaimpoana. Amin’ny taona 2016 indray izany raha mbola hisy ihany ny Mamahoaka e !

Caïus Raharison