Actualités

Felaniary Naverina eny Antanimora

Actualités
Alarobia 24 Novambra 2010

Omaly no niakatra tetsy amin�ny fitsarana ambaratonga voalohany tetsy Anosy ny raharaha Felaniary.

Nolavina ny fangatahany fahafahana vonjimaika. Amin’ny 14 desambra ho avy izao no hivoaka ny didim-pitsarana mahakasika ny raharaha. Raha hiverenana kely dia fanodinkodinam-bola sy fampiasana hosoka no anton’ny fitorian’ny toeram-piasany azy. Nofatorana rojovy i Felaniary omaly ary nafenina tamin’ny lamba ny tarehiny mba tsy hahazoan’ny mpanao gazety marobe izay nanaraka ny fitsarana, ny sariny. Felaniary na Johary Felaniary dia fanta-daza ary anisan’ny tena nankafizin’ny mpitia mozika teto an-drenivohitra nanomboka tamin’ilay raki-kirany mitondra ny lohateny hoe «Ny fitiavako anao». Tao anatin’ny herintaona monja dia nitombo be ny lazany ary malala-tanana rahateo ity mpanakanto ity. Tonga hatramin’ny fizarana maimaimpoana ny raki-kirany aza nisy fotoana. Tsy dia nametraka olana ara-bola mihitsy izy tamin’ny mpikarakara fampisehoana satria ny tanjony dia ny hampifaly sy hampalaza ny tenany. Kanjo moa efa be ny azo taty ambadika izay sarona ihany taty aoriana...