Actualités

Faritra SAVA-DIANA � Tara loatra ny fanazavana ny lal�mpanorenana �

Actualités
Alatsinainy 08 Novambra 2010

Nanatanteraka fitetezana ny distrika sivy any amin’ny faritra SAVA sy DIANA iny nanomboka ny zoma 30 oktobra teo hatramin’ny sabotsy 6 novambra ny delegasiona miisa 18 miaraka amin’ireo mpikambana eo anivon’ny CST sy ny CT voatendry avy any amin’ny faritra SAVA sy DIANA iny. Ny Filoha lefitry ny CST Atoa Patrick Mounibou sy ny Filoha lefitry ny CT Atoa Seramila Beza no miatrika ny delegasiona amin’ny famoriam-bahoaka ho fampahafantarana ny lalàmpanorenana vaovao. Tena liana tamin’ny fanazavana ny lalàmpanorenana sy ny resaka fitsinjaram-pahefana tena izy ny vahoaka saingy ny olana dia efa antomotra loatra ny fotoana hifidianana vao misy ny fanazavana ka tsy afaka mamakafaka firy ny vahoaka, araka ny fanazavana azo. Nisy hatrany moa ny fametraham-panontaniana nataon’ny olona isaky ny vita ny fifampidinihana. Tsy nanao ny fampilezan-kevitra ho amin’ny fifidianana ny «Eny »na «Tsia »moa ireto CST sy CT avy any amin’ny faritra SAVA sy DIANA ireto fa dia niezaka fotsiny ny nampahafantatra tamin’ny olona ny lalàmpanorenana vaovao.

Rabe