Actualités

FARITRA ANALANJIROFO Tata-drano miisa 18 lehibe no hamboarina

Actualités
Zoma 13 Janoary 2017

Tongotra mby an-dakana ny fampandrosoana ho an�ny Faritra Analanjirofo.

Tata-drano miisa 18 mantsy no an-dalam-panamboarana amin’izao fotoana izao miampy ireo lalan-dratsy tsy latsaky ny 20 km eo anelanelan’ny distrikan’i Maroantsetra sy Mananara Avaratra. Nandritra ny fivoriana izay niarahan’ny lehiben’ny Faritra Analanjirofo Ramaroson Jacques tamin’ireo minisiteran’ny asa vaventy sy ny vondrona Eoropeanina tetsy amin’ny Solimotel Anosy no nahafantarana izany omaly. Tanjona, hoy ny lehiben’ny faritra ny hahafahana mampidina ny vidim-piainana izay tena efa mampitaraina fatratra ny mponina tokoa ankoatra ny fampiakarana ny vidim-bokatra amin’ny alalan’ny fahafahan’ny mponina mivezivezy. Mahavokatra lavanila maitso 1.000 taonina isan-taona izy ireo raha 20 taonina kosa ny jirofo. Efa eo am-piketrahana amin’ny famokarana angovo mahatratra 137 mg watts amin’ny alalan’ilay renirano iray lehibe any an-toerana ihany koa izy ireo ankehitriny hahafahana miady amin’ny delestazy.

Pati