Actualités

Fanodinkodinam-bolam-panjakana : Raharaha 50 no namoahan�ny Cour des Comptes didy

Actualités
Alarobia 27 Oktobra 2010

Manaraka fiofanana mandritra ny efatra andro nanomboka omaly talata ireo mpitsara miasa eo anivon�ny Fitsarana Tampony ara-bola na Cour des Comptes avy amin�ireo Tribonaly enina misahana ny fifanolanana ara-bola amin�ny fanjakana.

Anton’izany ny fanamafisana ny fahaiza-manaon’ireo mpiasa ho fanatsarana ny fanaraha-maso ny fampiasam-bola anatiny, indrindra fa ny eny anivon’ny fitondram-panjakana sy ireo vondrombahoaka itsinjaram-pahefana. Mikaroka ireo fanodinkodinam-bola sy ny hosoka ataon’ny tomponandraikitra amin’ny tetibolam-panjakana no anjara asan’ny Cour des Comptes ary azony atao ihany koa ny manasazy raha mahita porofo ny fisian’ireo tranga ireo. Raha ny fanazavan-dRandrezason Théodore, filohan’ny Cour des Comptes dia mahatratra 50 ireo didy navoaka noho ny fisian’ny fanodinkodinam-bola tamin’ity taona 2010 ity. Ankoatra izay dia antontan-taratasy maro koa no mbola ao anatin’ny fanadihadiana amin’izao fotoana toy ny fanodinkodinam-bola niseho teny anivon’ny Kaominina miisa 40. Marihina fa ny raharaha tamin’ny taona 2008-2009 no raisin’ny Cour des Comptes an-tanana sy amoahany didim-pitsarana ankehitriny. Ny fitondrana teo aloha no nametraka ity tribonaly ity tamin’ny taona 2004.

Yves