Actualités

Fankalazana ny fetim-pirenena Kitoatoa ny fampitana mivantana

Actualités
Talata 27 Jona 2017

Toy ireny mody manetsiketsika vava ireny fotsiny ny fahitana ireo mpanao gazety nampita mivantana tamin’ny Televiziona Malagasy (TVM) ny matso teny Mahamasina omaly nanomboka tamin’ny 10 ora maraina latsaka fahefany.

Efa ho 10 minitra taty aoriana vao tsikaritry ny tekinisianina fa tsy tonga tany an-tsofin’ireo mpijery izay nolazaina ary teo vao nisy fanapahana ny fampitana ary narahina fialan-tsiny izany, minitra vitsy taty aoriana. Mampanontany tena ny maro ihany moa hoe inona loatra no nitranga no dia amina vanim-potoana goavana eo amin’ny tantaram-pirenena toy ireny no mbola hitrangana tandrevaka arak’asa toy izany, fa tsy mba efa niomana sy nanao fanandramana mihitsy ve ? Ny tolakandro nanomboka tamin’ny 4 ora dia niverina indray ilay tsy fahazoam-peo raha niaka-tsehatra namarana ny rindran-kira nandritry ny ora iray ny tarika Nina’s.

Mirija