Actualités

Fandorana ny Rova Manjakamiadana Maty an-karanany ny fanadihadiana

Actualités
Alarobia 04 Novambra 2015

Ho marihina amin�ny fihinanam-be irony antsoina hoe hanim-pito loha irony ny fankalazana ny faha 20 taona nandorana ny rovan�i Manjakamiadana ny faha 9 ny volana novambara ho azy izao.

Ny 5 ka hatramin’ny 9 novambra izao no hanamirahana izany fotoana izany ka tafiditra ao amin’n fandaharam-potoana ny famelabelaran-kevitra sy ny takariva miavaka hamakiana ireo tonokalo mirakitra ny nahamay ny rova.Fa ny tena mba manitikitika ny saina dia ny niafaran’ny fanadihadiana momba ny nahamay an’io Rova io. Adilahy politika ve sa resaka adim-poko niotrika sa misy antony hafa. Nankaiza daholo ihany koa ny niafan’ireo vola natokana ho fanarenana ny rova sy ny tohin’ny fanamboarana na dia efa eo aza izay mety ho fanampian’ny vahiny an’i Madagasikara. Izay minisitra nifandimby teo dia samy nilokaloka ny hanao zavatra avokoa kanefa hatramin’izao dia mbola tsy misy zava-pantatra ny momba ny nahamay ny rova. Eny tsy vao izay ihany koa moa no fanadihadiana maty an-karanany teto Madagasikara fa efa maro tsy tambo isaina izay e .

Andry Ratovo